至2023年12月31日，建祝義工隊服務主要項目包括：-
1.「優化家居」 :超過1000個家庭受惠
2.「二手傢俬轉贈服務」: 超過一百社福機構參與，累積超過16,988件免費家電連免運費安拆費送到弱勢社群家
3. 「新公屋二手傢俬」: 服務超過四個新屋苑，送出超過500件二手傢俬電器
4. 「滅蝨行動」:服務超過300個受嚴重蝨患的弱勢家庭
5. 「滅蝨講座」:超過50班，分享給1000位社工/義工
6. 「滅蝨包」：送出超過1000袋免費滅蝨套裝及已受訓的社工轉介的弱勢蝨患家庭用正確方法自行滅蝨|
7. 「 輪椅車義載」: 免費接送超過150位弱勢輪椅人士完成心願
8. 「B&W Caring Drivers」: 義載司機用自己座駕出動超過500 次為不同的免費物資運送到弱勢家庭手中
9. 「口罩派發」: 派發超過1,000,000張口罩透過80次轉介超過200個社福機構1000個社工送到弱勢家庭手中
10. 「分享籌募資金」: 在疫症最嚴重期間，將籌募資金分享與超過60間社福機構共用，為他們的職員及服務的弱勢社群購買需要的防疫用品
11. 「社福小店衆籌」： 已透過衆籌超過200位大衆市民捐資支持默默為社會付出有心但微小的社福團隊
12. 「 唐樓搓手液計劃」: 超過1000位義工協助全港超過1900幢唐樓的樓梯地下安裝搓手液機，十多個無私奉獻的物資站，百多間的窩心加油站做refilling stations ，1900多位的唐樓「街坊義工」 協助管理 。
13. 「免費家居清潔服務」: 為老弱長者提供的免費免費家居清潔服務, 兩個月合共提供58次家居清潔（2020年6月開始服務)
14.「袋鼠行動」: 為特殊需要兒童上門托兒服務For the needy with the needy by the needy 協助特殊需要兒童的媽媽的幾個鐘臨時上門托兒服務。「媽媽1」同「媽媽2」亦可以互相心靈溝通互相傾訴互相扶持。
15. 「童。建」新Home 間 - 小朋友劏房空間改善計劃
16. 「同心一圓夢」：與「苗圃行動」合作為全港中、小學及幼稚園的學生一個透過全校參與的籌款活動，做到「同區互助，世界大同」的精神！(withheld due to covid 19)
17. 「大隻佬義工聯盟」：與「天乙慈善」聯繫一衆有心有力的大隻佬及統籌義工，為社工轉介的弱勢家庭工作出動。
18. 「輸出義工」: 為社福機構「輸出義工」，的精神發揮最貼心的sharing of resource, 務求做到「社群互助」！
19. On-line Miss/Sir : 透過現今科技令義工們及小朋友簡單的隨時可以聯繫！
20. 護理+01（人上人義工）: 義務護士及第一代「人上人義工」，到訪弱勢家庭為關顧他們健康、護理、藥物等、簡簡單單清潔家居。 好似返阿媽屋企，照顧阿媽一樣的細心！
21.家修易-維修班: 各個範疇的義務師傅悉心嘅教導，非常踴躍，每堂都有幾百人參加（疫情關係，每次抽籤提供20位上實體班）
22. 英文補補班: 基層家庭成人免費英文進修班 「ways to learn English effectively」
世紀疫症下，不忘為補補自己英語，為工作及日後進修打更好基礎！
23. 點心紙: 每個月，透過「點心紙計劃」與四十間的十八區社福機構合作做pickup stations, 三百多位義工的幫忙（由揀選每月貨物、聯絡愛心供應商、製作點心紙、推薦人（社工）派發點心紙、處理大量單據、packing義工、caring drivers義載司機、pickup station站的ABC義工，最後會計結算），處理五十多種貨品約一萬件貨，為受惠者慳到約十萬元及送上無價的愛！
24. Youth Leadership Programme: 感謝一衆young leaders,完成我們leadership programme training camp!亦啟動我們「點心紙-coupon 計劃」的第一頁！
25. 滅白蟻/曱甴/老鼠
26.二手玩具新主人 -感謝「房協友理」乙明邨「遊樂大使」的老人家義工們協助，由「再生玩具店」義務領軍Paul 帶領，為你的小朋友曾經心愛的「玩具」找一樣都會深愛它的「新主人 」！
27. Co-office sharing -建祝co-office已恆常運作，包括：開放給NGOs day time 作office 之用 & 大衆NGO作meeting room/課室
28. 中學生大使 -協助培訓約十位中學生。一個「心靈洗滌」的小涼亭all made up by 「建築癈料：竹」，由全校每班寫名人名句落D竹到。
29. 講故事班 -一眾義工之後可以到18區社福機構為小朋友透過「講故事玩遊戲」懂知識學習關顧愛護別人。
30. 家居清潔 -「清潔家居」計劃順利展開後，2021年會努力招攬更多社福機構參與為他們的會員做定期的免費家居清潔。
31. 長者Facebook 班
32. 口罩廠搵工做
33. 慈善100強Coupon: 邀請商舖提供優惠給社工等轉介的弱勢社群！ 這個週末開始邀請商舖參加。感恩已有不同店舖同意，包括百貨用品、眼鏡舖、五金舖、美術興趣班、醫療商舖…還有租樓給市民的大公司會allocate 單位給這個項目！感動。
34. 全城織頸巾
35. 羊腩之夜 - 感謝聖三一堂小學借出廚房大廚、社區組織協會Mercy HK 及油踐入心的社工帶領，昨晚十位大廚義工組、caring drivers、60多位派發義工，探訪了油麻地、深水埗、大角咀，尖沙咀200多位無家者，送上暖粒粒的枝竹羊腩加鈑，飲品，傾傾偈說說笑，送上一點點互相慰問。晚上11點，10多位洗碗義工齊集博文街公廁洗碗，為下一次寒冷天氣警告作最好的「羊腩之夜」
36. 緊急扶危基金（planning stage): 我們嚟緊會推出的一個新項目「緊急扶危基金」。嶄新的，希望透過二、三十位「義務社工」協助策劃、提供意見，及有空時輪流負責義務審批(每個個案審批由兩位獨立「義務社工」+ 1位建祝常任義工處理）等工作。
37. 建祝義工隊唐樓樓梯機計劃:為全港九新界唐樓輪椅人士免費由我哋合資格義務樓梯機操作員，與他們一起落樓，逛逛街，享受美好的一天！
38. English Native Speaker Programme: World without strangers; Volunteers without boundaries, 透過外籍人士用zoom與香港的弱勢小朋友用英文溝通增加他們的listening skill, spoken English skill and communication ability!
39. Holly.letsyoga 瑜伽班：免費為弱勢媽媽享受休閒瑜伽減壓，享受人生樂趣！
40. 建祝藝術：衆樂樂 之 酒精墨水畫班
41. 緣來有您：配對小朋友家庭與從中的弱勢長者家庭，透過定期探訪，令小朋友享受長者帶給他們的知識，亦令小朋友家庭與長者家庭互相分享愛！
42. 建祝18區: 養生行/跑
43. 「院舍樂在其中計劃」之 「夾滿fun! 」
「建祝義工隊」感謝我們合作夥伴「足印義工隊」、「聖雅各維修隊」、「DIY 義工隊」、「社職」、「天乙慈善」、「教關」、「社區組織協會」、「青草音符」、「苗圃行動」、「Mercy HK」及過千義工默默付出！
2025年1月6日 TC45～清災後雜物+重整家園
日期：1月11日（Sat）
時間：10am-5pm
地點：大嶼山
（現場由社工帶領）
25男女
大嶼山火災個案，11/1我哋先清場，之後評估需要的工作，包括電、維修、簡單家居油漆、添置家俬電器等。
「用心」經營
清寶藏屋、小強屋、老鼠屋等，體力勞動當然係難道非常高之一、蛇蟲鼠蟻喺你身邊走來走去，當然亦都係一個挑戰！
而難道最高嘅，其實係人！個戶主最初頭肯清屋，當然亦都同我哋講價，確保佢嘅心愛嘅雜物可以保留！往往去到中段就會發生好多唔同嘅「意外」，以往包括戶主突然情緒有大嘅波動、好多嘢都話要保留、又或者中段就話唔見咗啲好重要嘅價值好高嘅嘢、各適其適，好慶幸我哋嘅義工通常口才好好靈活變通，盡量領導戶主同我哋開心溝通，減低咗戶主對我哋嘅敵意，再加上社工在現場，做我哋嘅中間人！
開工前戶主簽嘅disclaimer form, 每樣嘢俾佢望一望再有社工協助幫手望，盡量做到「法理情」樣樣兼顧，唔少得嘅係我哋嘅清場後嘅傢俬電器，確保戶主心靈上得到安慰，冇咗好多嘅寶藏，換來嘅係多咗嘅空間同埋新淨靚靚嘅二手家電！
所以大家下次睇到我哋清屋嘅事前事後相，可以更加了解背後原來「用心經營」的元素…..盡在不言中！
建祝義工隊+足印義工隊
2025年1月6日 露宿者之夜，浪漫之夜 on 1月7日（星期二）
今次係我哋鎮山之寶：
支竹豆卜羊腩煲
A. 煮野食義工：
10:00am-6:00pm
感謝葵涌：「家常煮飯」借出廚房！
2025年1月6日 建祝 「上門」義剪過新年
衷心感謝我哋訓練咗的幾位「義剪義工」（上完好多個鐘頭堂，再跟師傅去義剪咗幾次，成功滿師，背後付出好多努努力！）
「義剪義工」已經可以趕得切，農曆新年前為社工轉介行動不便的弱勢人士簡單修剪頭髮！
社工有興趣帶給未能出街剪頭髮的弱勢人士一份小禮物：「義剪過新年」，請contact our 建祝hotline (*whatsapp message only*): Jan, *96090399*.
2024年12月30日建祝after services follow up call
「建。祝」：透過「建」設，送上「祝」福。
由2025年開始，我們會進一步落實，由女義工協助一次性，致電完成的上門等服務項目（例如優化家居/二手傢俬電器轉贈/滅蝨/大隻佬義工/清囤積/1+1paired up/一次性清潔/給照顧者放半天假/唐樓樓梯機/義載遊車河/施永青緊急扶危基金）的受惠者了解他們對我們服務有什麼意見，並送上祝福！上述安排之前已經喺「二手傢俬」裏便進行，非常順利及每次都聽到受惠者好開心的分享他們嘅喜悅等。現在人手安排到的情況下，可以有限度增加服務。
為弱勢社群
比昨天的 做得更好！
For the needy,
make every day count!
建祝義工隊
2024年12月28日感謝今日一班義務導師去咗與一班長者玩羊毛畫！
建祝藝術衆樂樂
有興趣開班嘅社福機構/社福中心/學校可聯絡我哋建祝hotline(96090399 whatsapp
感謝Gary, plot 了至2024年年尾我哋300多個完成為社工轉介弱勢家庭滅蝨個案的分布圖！
2024年12月25日 建祝 優化家居 髹油
感謝「葉志成基金」，將會送出第一批油漆，紫荊花（前身駱駝漆）：250Litres!
待我哋處理好logistic,就可以開波！葉志成先生，葉氏化工嘅創辦人，中國最大的油墨製造商！
建祝義工隊
2024年12月25日 WANTED 觀鳥義務 導賞員
我哋搵咗個別觀鳥組織，雖然我哋表明我哋係慈善機構，全義工，但係佢都要收幾可觀嘅費用！
想問吓有冇邊個識得觀鳥，假設我哋搵三位略懂觀鳥的，到時帶着20位小朋友一齊去「濕地公園」等觀鳥。
日期時間再定！搵到略懂觀鳥導賞員我哋就邀請社福機構參加，到時我哋義工隊包交通及包午餐！ （好似上次一樣）
唔知我哋有冇依方面嘅專家可以做我哋義務 觀鳥導賞員？
窮得,只有有心義工的
建祝義工隊
2024年12月25日義工的力量 人間有情！
感謝這位義工介紹我哋義務的工作給他/她朋友，並感謝這位義工的朋友的捐款！
註：由於我哋義工隊是全義工的慈善機構，沒有職員、沒有寫字樓全數捐款可以100%會用作服務受惠者上！
人間有情！
建祝義工隊
2024年12月24日二傢你好，我們是Build & Wish 建．祝義工隊！
好多時我同人講，我哋會配對喺譬如話淺水灣嘅傢俬去深水埗！
通常啲人就話淺水灣啲傢俬邊度啱深水埗一定好大件！
今日凌晨感謝Amy 努力追趕幾日後deadline嘅靚靚嘅二手嘅淺水灣嘅貨給社工轉介嘅弱勢家庭！
建祝義工隊
如果你識人想捐傢俬，好簡單你將以下嘅訊息我哋standard 訊息，俾佢哋就得㗎啦！
感謝你有意經我們捐出傢俬/電器/其他用品及衣物。
為方便我們的義工/義務社工配對有需要的弱勢家庭，請whatsapp *52828748* 給我們的義工 Amy.
*1. 相片 2.尺寸 3. 地區 4. 限期。*
*請最少預5-7天或更長的時間作為限期*，因需時處理由貼文到群組，若配對成功亦需時安排運輸。另外，**若物品已送出或取消配對，請盡快聯絡我們，希望善用人力資源**。
如果是電器一般情況會配對七年內及最近一個月內仍正常運作，請見諒。
*亦請告知物品送出地址有否樓梯級及距離泊車位是否很遠*，使我們懂得分配給那類型運輸隊處理。
由於我們所籌集嘅資金有限，所以*我哋只係做已配對到的傢電**。並透過有心嘅運輸團隊免費運送傢電去有需要人士屋企。
希望你諒解，我們是全義工的團體、沒有行政經費、沒有寫字樓、亦沒有用貨倉。
因此，**如果我們未能找到適合的配對**或只取部分的傢電，我們沒有額外的資源處理您的餘下傢俬，**煩請你自行處理**，敬希見諒。
想了解我們「建祝義工隊」，一個全義工的慈善機構嘅工作或想與一起做不同的義務工作，可以瀏覽以下的網址及透過網址聯絡我們。
https://www.buildandwish.org
2024年12月22日建祝 地圖
身在英國曼徹斯特的Gary, 我哋一個超資深義工，send咗張嘢俾我，我以為係曼徹斯特嘅地圖！
原來，佢將我哋所有大部份嘅項目編成為一個image, 等大家大約知道我哋做緊啲乜！
感謝每一位背後努力的義工，建造我們的road map!
沒有做不到，沒有做不好！
2024年12月21日 建祝義工隊+慈心農莊 與「青草音符」一個難忘感人嘅冬至camping！
與「青草音符」一個難忘感人嘅冬至camping！
晏啲同大家分享！雖然真係好凍！below 10! 建祝 步步為營camping training
Plan the work, and work the plan美麗的第一次
「青草音符」的小朋友由搓麵粉，切蔥每個家庭自己煮蔥油餅開始，為我哋訓練展開序幕！每位媽咪第一次食小朋友搓出來的蔥油餅！每個小朋友都有食，改變唔食蔥嘅習慣！
除了一般露營訓練，包括搭營、營燈、煮食gas 爐、三秒起BBQ爐法，魔法表演：樹枝變有用的柴。
食物的主理：除了腸仔麵，還有搓有餡湯圓，煮爆谷、燒番薯、燒粟米、腐竹雞蛋冬至湯圓、柴火㷛仔飯、使小朋友大朋友樂而忘返！
Survived from 聽講話8度溫度下,帶給每個參加者一個難忘難得的體驗！
完成所有任務，小朋友有燒夜福字麵，神秘禮物：義工隊T-shirt獎勵及正正certificate!
與大家分享我哋天下第一次NGO營的迷你snapshot：
有興趣為自己社福機構的弱勢社群（大小朋友均可）參與這免費的露營訓練，可click入以下whatsapp group 報名：
https://docs.google.com/forms/d/e/1FAIpQLSdqy2OWHwjJ8dHZudV7ff0GFQK-MQG-wcoF6XtwUI9GqwpXsw/viewform?usp=pp_url
沒有做不到，沒有做不好！
建祝義工隊+慈心農莊
2024年12月21日 感謝 建祝TC44～21/12禾輋邨清囤積，冬至日出動！
窩心的冬至禮物給弱勢家庭！
2024年12月22日 建祝 長臂猿
我哋行山組，introduced長臂猿方便行動不便的長者執地下嘅嘢！跟住我哋義工就幫我哋將一個咁好嘅工具，共20支，送俾有需要嘅老人家！
減低老人家腰酸背痛嘅風險，同埋跌親嘅風險！
建祝義工隊
小腦筋，大意義。
2024年12月20日院舍樂在其中
感謝今日我哋義工多才多藝嘅義工扭氣球、魔術表演、仲有粵曲表演添！勁！
2024年12月19日踩兩單，上樓落樓加埋4次！
辛苦專業的樓梯機義務操作員es！
2024年12月18日建祝 上門義剪過新年
衷心感謝我哋訓練咗的幾位「義剪義工」（上完好多個鐘頭堂，再跟師傅去義剪咗幾次，成功滿師，背後付出好多努努力！）
「義剪義工」已經可以趕得切，農曆新年前為社工轉介行動不便的弱勢人士簡單修剪頭髮！
社工有興趣帶給未能出街剪頭髮的弱勢人士一份小禮物：「上門義剪過新年」，請contact our 建祝hotline (*whatsapp message only*): Jan, *96090399*.
為弱勢社群
比昨天的 做得更好！
For the needy,
make every day count!
2024年12月18日我哋義載遊車河的！ 感謝背後每位義工，可帶給受惠者的…
2024年12月18日義工的力量 人間有情！
感謝這位義工介紹我哋義務的工作給他/她朋友，並感謝這位義工的朋友的捐款！
註：由於我哋義工隊是全義工的慈善機構，沒有職員、沒有寫字樓全數捐款可以100%會用作服務受惠者上！
人間有情！
建祝義工隊
2024年12月17日 建祝： 「合資格義務師傅上門簡單電器維修」（我哋最長嘅一個項目名，講清楚好啲）
建祝： 「合資格義務師傅上門簡單電器維修」（我哋最長嘅一個項目名，講清楚好啲）
為社工轉介協助弱勢家庭貼身的服務，我們義工隊會逐步開拓上述的服務，當然以簡電器為主，目的係使弱勢家庭得到最直接的支援！
社工可聯絡 我哋義工隊 hotline 96090399 （whatsapp message only), 再由我哋優化家居的新總幹事（義務）Stella 跟進 ［義工頭Alex 已榮升做我哋優化家居的顧問，協助Stella統領成個「優化家居」）
沒有做不到，沒有做不好！
建祝義工隊
2024年12月15日BG158: 緊急協助搬屋！大窩口
2024年12月14日 MD01,感謝邱師傅協助運送棉被同被單給這位今天找我們的受惠者，令他今晚有一個暖笠笠的安樂窩
2024年12月14日 Plan for work, work for plan
這幾天諗下諗下2025年，我哋將會繼續開坧以下的新計劃:
1. 享受大自然系列：露營（Eva)/行山(Ivan)/千朶蒲公英(Richard)/觀鳥（Philip)
2. 物資捐贈（Emily)
3. Ciif 新入伙公屋加強版（Cyrus/Syliva)
4. 與歐綠寶加強二傢及notebook合作(Gary/琴/Channie)
5. 恆常髹油（Stella)
6. 電話follow up calls (Gigi)
感謝背後一班義工互相扶持，為我哋服務弱勢社群繼續努力！
2024年12月14日 院舍樂在其中：夾滿 Fun
昨晚凌晨，第一階段，睇到13間夾公仔機的記錄，真係好感動，每間50-100位院友…1000位帶來開心！今日先把這感謝每一位義工付出的，send 出嚟！
2024年12月14日 感謝足印 Joe 哥領軍，清除了筲箕灣愛東邨的蝨患個案！
建祝義工隊+足印義工隊滅蝨聯盟
2024年12月14日 建祝行山義工聯盟
感謝今次行山，目的為嚟緊輪椅團探路，今次第一次全女班領軍，當然做得比男士好！
義工印咗10個中文字，我哋義工隊嘅座右銘。講個秘密你知，呢10個字係比後便嘅人睇唔係比自己睇，大家放心！今日行山嘅風景靚到揼一聲！
註：個別社福機構團體報名成團行山已經開始咗啦！
請NGO填Google form
https://forms.gle/SqFsn4ZL7QLpLE9E9
由我哋嘅義工帶隊，讓社福機構嘅參加者享受享嘅樂趣！ 通常我哋會揀啲輕鬆舒服容易嘅路線，所以唔會令到參加者有壓力！
得閒一班人去行下山，享受開心快活的一天！
今日亦係第一次派發行山獎勵獎章，第一個社福機構參加者儲齊彩虹七色，一定有大獎！
2024年12月14日 感謝Tronex (Hong Kong) Limited 再送出200箱一次性手套共有12間社福機構！ 註：只供「社工/社福機構事工」取上述用品再轉贈弱勢家庭，不設個別人士取上述用品。
2024年12月10日 點解野外露營訓練
Q1:點解野外露營訓練？
A1:自幼家貧，冇嘜機會享受野外活動的機會！ 咁啱有個農場主人慈心農場，可以借出場地俾我哋搞活動，唔使10秒鐘，我就同農場主人講可唔可以大膽啲俾我哋搞野外露營訓練！
Q2:你諗住俾乜嘢參加者？
A2:社福機構的小朋友，老人家，咩類型嘅人都可以參與，只要行到落去個營地就得啦！
Q3:呢個露營辛唔辛苦㗎？
A3:玩開露營嘅，就知呢個係豪華團，又有水又有電又有廁所落車行10分鐘就到，又唔使拎住所有露營用品，呢一部份係正嘅！
我哋提供好多戶外露營嘅訓練，農場主人亦會介紹好多唔同嘅種植，參加者仲有一個鐘頭做半個農夫嘅工作，完成所有任務證明咩都做得到，我哋仲有件禮物送俾佢！
Q4: 證書？
A4:oh, 係兩樣禮物，證書，同埋一件印有我哋義工隊座右銘的「沒有做不到沒有做不好」T恤。透過集體活動、透過團體精神，享受大自然嘅同時，增加自己嘅自信心、絕對係對於小朋友大朋友壯年嘅老友記，一個非常難忘嘅活動！
Q5:除咗農場主人借出場地，你最想多謝嘅係邊個？
A:好多人我都要多謝，最最最最最最最最的，莫過於上天，我哋兩次訓練都遇着唔好嘅天氣，一次落狗屎咁大雨、一次凍到得10度！更加令我哋知道應該點樣去做得更加好！
當然最難忘嘅就係以下兩張相，同一班戰友一齊，群策群力、互相配合、謹慎行事、盡力而為！
2024年12月14日 建祝義工隊野外露營訓練
10 videos方便NGO 獲取了解及籌備這個為社福機構的「小朋友/老友記」不生難忘的人生體驗及挑戰！
*V1 NGO introduction*
https://youtu.be/__fom2MRWvU
*V2 buying food*
https://youtu.be/hVXbfJle5g0
*V3 transportation*
https://youtu.be/xaQ8tILO_JE
*V4 Camp Site*
https://youtu.be/0uPHL_iy9h4
*V5 Schedule*
https://youtu.be/3PUxBY62Ob4
*V6 Tent erection*
https://youtu.be/0mvVFY_ZGLI
*V7 Food preparation*
https://youtu.be/MYnAbsekLao
*V8 cooking methods*
https://youtu.be/1gTLEqKQw78
*V9 Activities*
https://youtu.be/TH-UFqwuFV4
*V10 Heavy Rain + thunderstorm*
https://youtu.be/Og-RHYeoWsw
V1-V10全面睇：
https://youtu.be/r-GAHdh7QvU
建祝義工隊 野外露營
NGO團已經可以報名啦！！
全免：包上水站到農場巴士、露營工具、食物、訓練、證書！
https://docs.google.com/forms/d/e/1FAIpQLSdqy2OWHwjJ8dHZudV7ff0GFQK-MQG-wcoF6XtwUI9GqwpXsw/viewform?usp=pp_url
鳴謝:施永青基金+慈心農莊
2024年12月11日 義載司機與你遊車河
2024年12月10日 感謝破產管理處的溫暖牌！
2024年12月7日 清囤積個案，最艱難嘅唔係啲雜物而係戶主嘅情緒！
D331: 上水彩園邨的個案，繼續努力、一定成功！
2024年12月7日 BG156長沙灣清潔大隻佬義工聯盟, 感謝 Paul, Ronnie同阿華！
2024年12月7日 「唐樓樓梯機計劃」
2024年12月7日 BG157大隻佬義工聯盟
2024年12月5日
2025年第一擊，枝竹羊腩煲，星期一年加多咗樣嘢落去，就係豆卜！比今年的，做得更好！
2024年12月5日 建祝: 優化家居
2024年12月7日 物以類聚，臭味相投！
好感謝團隊，裏面有好多好叻嘅人，會搵辦法製造好多新嘅項目給我哋義工學習，再分享到社工嘅弱勢家庭！
介紹俾大家Angus導師的布袋球！好適合義工分享俾老友記增加他們運動量及玩下嘅樂趣！
免費布袋球 義工訓練班（東九龍）
感謝啟廸教室義務教練「阿廸」 安排
日期：22/12/2024（Sun)
時間：晚上18:15至20:00
地點：黃大仙區康文署屬下體育館大或小活動室
名額：16人
訓練我們義工認識布袋球 (新興及共融運動）之後我們義工會去不同嘅院舍推廣，令院舍院友可以享受認識新興及共融運動嘅樂趣！
有興趣認識並之後協助推廣布袋球，請click入以下WhatsApp group報名：
https://chat.whatsapp.com/Em3T6NBU7J8DHhBBF95Jnr
乜嘢係布袋球？
可以睇吓以下YouTube了解：https://youtu.be/SWOPC3eJvVU?si=YkGWphr_Hz4bulrg
做義工的同時，擴闊新的視野！ 嗱，睇吓，呢啲咪叫做「厲害」！
*Angus* book埋場，做埋義務教練，帶晒所有架撐，就係為咗教識一班義工，一齊再分享俾弱勢長者！ 真係好到不得了！
致敬！
建祝義工隊
2024年12月4日 今日的活動輸出義工
2024年12月4日 建祝義工隊 露宿者之夜：浪漫之夜
透過「慈心農莊」，感謝「道光道德會」送出大量棉被及凡士林。
我哋唔貪心，7/1的「露宿者之夜」，我們會安排「100張棉被+ 100盒凡士林」給街友！
天氣凍有張棉被暖笠笠，另外若干部份露宿者冬天嘅時候啲皮膚比較乾燥等，有盒凡士林，窩心之選！
有興趣1月7號一齊浪漫下嘅，（今次我哋出動鎮山之寶：支竹豆卜羊腩煲！）請先click入以下WhatsApp Group!
https://chat.whatsapp.com/Cgrt1KUbQbq9mQo0uClb7m
2024年12月4日 今日的，好開心，見到啲老人家好似小朋友咁，燦爛嘅笑容！
佢哋開心嘅心情可以想像到，發自內心嘅開心！
2024年12月4日 感謝夾公仔機背後所有統籌的！
2024年12月1日 建祝義工隊 急社工所急!
以前我哋係冇一次性清潔，但係社工極力希望幫到有需要弱勢家庭的情況下，我哋亦按情況積極協助，務求做到「同佢一齊急！」
我哋開拓「大隻佬team」目的係幫手做D搬搬枱枱到電視校台的義務工作！
感謝有的社工造就我哋有的義工出出力！
2024年12月3日建祝義工隊院舍樂在其中「夾滿fun」計劃
衷心感謝「江美人」（即視后江美儀小姐），我哋夾公仔機項目已經去咗八個老人/殘障中心，呢兩日四部夾公仔機會去另外四間中心！
服務嘅範圍遍布「大角嘴（x2)、荃灣、大埔（x2)、西營盤、黃大仙、馬鞍山、牛頭角、北角、沙田、屯門」
衷心感謝江美人捐出過千個嘅公仔，令到院友帶來無比嘅喜悅同埋互相關懷嘅心！
今日江美人表示會繼續我哋延續呢一份咁有意義嘅項目!
2024年11月30日建祝義工隊numbering
優化家居：1061
二傢：4697 delivery
滅蝨：D354
大隻佬：BG156
清囤積：TC42
輪椅私家車：Dr177
唐樓樓梯機：72
唐樓搓手液機：1913幢樓
露宿者之夜：15次
針織班：Class 60
每個項目的個案都編咗number,放便我哋知道數量。
每一個個案都是背後義工們努力為弱勢得來的！
2024年11月30日建祝義工隊TC43: 清囤積，天水圍！
2024年11月25日建祝義工隊受助家庭的審批條件
我哋建祝義工隊係由五湖四海的義工們組成，冇職員，冇老闆，行緊一套「義工主導」、「各自自由發揮」的管理方法。
點做？
每一個項目嘅總幹事（義務）按住服務的必須性、我們的資源、受惠者嘅特殊情況等，每個項目作出自己最好的定位。
例如，樓梯機服務我哋服務的準則，以行動不變為最重要考慮因素、而滅床蝨就考慮嚴重性（最嚴重嘅做先）而屋企有年青力壯的就教授他們怎樣做比埋材料佢哋做。
「緊急扶危基金」就真係要水深火熱的家庭和受惠後真的make a difference作出決定。
「搬屋」就相對要特殊情況下我哋先至會出動，「二手傢俬」、「優化家居」亦會按戶主經濟及hardship作考慮，而動員我哋「大隻佬義工」上去「教電視機remote」和「搬搬抬抬」和「搬屋」的準則亦有分別。
我哋所謂的「proportionality」！
所以每個項目準則都唔同，唯一共通點，啲義工嚟幫手的見到嘅個案一定係覺得值得的而唔係嗰啲..（我哋試過啦，非常「個別機構」找我們輸出義工「合作」做「他們」的一個案，我哋部份義工去到嗰個家庭後，想立即走，並報串俾我聽，覺得佢屋企仲好過我自己屋企睇唔到點解要幫佢！所以我哋back list左嗰個社福機構嘅輸出義工申請！）
另外每個項目的總幹事（義務）亦可為非常嚴重或特殊個案提升做「特事特辦」個案，全部項目的總幹事一齊協助，不需要社工再個別申請！
因此，社工們開始唔再搵我啦，因為社工們都知道我已經唔知道每一個項目嘅定位、標準等。
義工隊運作幾年後，我先知道，這個模式係有個名，巧合的同我哋最支持我哋的sponsor,施永青先生其下的「中原地產用」的方法有相似，叫「無為而治」！
感謝每一位辛勤盡責的義工，為我哋義工隊建立一套義工主導，「雖古靈精怪，但又行之有效的模式」！
唔係下下都淨係睇受惠者嘅情況，有一個特別嘅個案類別，我哋係睇佢隔籬鄰舍啲感受同樣重要比重！ 所以個別私人樓宇戶主不是經濟問題，而是情意結問題導致其他鄰居搞唔掂！ 老鼠曱甴垃圾屋…
以人為本！
共勉
建祝義工隊
2024年11月25日建祝義工隊 建祝親親大自然系列
「行山樂」：已經開始有社福機構報名，組隊同我哋義工一齊帶領弱勢會員享受行山嘅樂趣！
「野外 露營」第一間報名嘅機構揀咗21/12，帶領一班小朋友聖誕節之前嘅週末露營訓練！
「千朶蒲公英 許個願」前期現場優化工程逐步行出第一步，完成後會邀請50間社福機構嘅會員一齊種一千盆「蒲公英」，我哋仲加碼種幾百朵「玫瑰花」，遍地飄雪場面再添七彩繽紛嘅色彩！
2024年11月25日建祝義工隊 給照顧者半天假計劃
我哋已經開始收到申請個案，「社工」或「社福機構/中心/學校等」嘅「幹事」可以提醒「照顧者」，我哋依個服務俾機會佢哋又休休息，輕鬆吓！
A. 項目簡介 *YouTube Video*
https://youtu.be/bpEQWrK6m54
B. 申請服務
「社工/（社福機構/學校/中心/教會）的幹事」可以協助「照顧者」填寫google form報名上述服務：
https://forms.gle/vvDhmoR3Svq9LXDHA
C. 「義工」加入做「照顧者替工」：
*Step 1.* 填Google form:
https://forms.gle/qGG1nomREnN9e5Et9
*Step 2*: join whatsapp group:
https://chat.whatsapp.com/HSyIoRq5Wm0JFEDLbHcegd
D. 如有查詢，請whatsapp 義工Jan:96090399(whatsapp only)
2024年11月25日建祝義工隊 BG155B: 大隻佬義工聯盟為最近失明的小女孩髹完油！
2024年11月23日建祝義工隊+足印義工隊
滅蝨聯盟D350 感謝今日足印 Joe 哥大隊解決青衣長宏邨滅蝨行動！
2024年11月25日建祝義工隊 院舍樂在其中『夾滿fun』計劃
給院舍的每位院友/工友/廚師…一個快樂的時光！
建祝義工隊安排free of charge：
1. 運送夾公仔機到院舍，stay for one month
2. 送出院舍人數的公仔（感謝視后江美人的團隊送出公仔）
有興趣的院舍，請click入以下Google form 報名：
https://docs.google.com/forms/d/e/1FAIpQLScQ4I2FvqwmvdS9ow-tv6VLTE1D_fLiGwUk2KUgKcEdnTqeoA/viewform?usp=sf_link
「公仔機簡單Rules」:
責任：
1. 建祝義工隊借出公仔機給院舍，倘若個別院友或院舍人士，因疏忽或其他原因導致夾公仔機受損，有關人士或院舍無需作任何賠償。但願院舍可盡力安排合適的地方和時間供院友安全地使用。
2. 建祝義工隊負責運送夾公仔機及相關禮物的費用，院舍無需支付任何費用。
運作：
1. 建祝義工隊負責所有運輸夾公仔機的工作。
2. 夾公仔機每天運作時間及細節由院舍職員按工作量而決定。
3. 建祝義工隊會協助講解夾公仔機運作給院舍職員及院友，並提供有需要的技術或維修支援。
4. 建祝義工隊期望院舍由院友、院友家人、院長、職員、廚師、清潔等都可一齊享受玩夾公仔機嘅樂趣，並每人可獲公仔一個，不論是自己夾，或者其他人協助夾亦可。由於資源有限，每位院友或人士最多只可獲一個公仔，敬請原諒。希望院舍職員協助分配公仔，避免衝突。
5. 建祝義工隊在可行情況下，可能亦會透過其他機構或教會等額外送出其他非公仔禮物，給院友透過夾公仔機取得該額外禮物。有關禮物會預先得到院舍同意才會使用，確保符合院舍安全及衛生標準。（由於每名院友/探訪家屬/職員等同公仔一樣，只能最多獲取一份額外禮物為原則，使禮物平均給每位院舍的大家庭）
6. 建祝義工隊期望義工在第一天講解及與院友玩完後，餘下日子由職員協助使院友可以享受夾公仔機嘅樂趣。
7. 明白院舍要確保院友良好的衛生標準，所以相關公仔或禮物會是全新，不會是二手禮物。
8. 夾公仔機尺寸大約為（0.8米x0.8米x1.8米），需由院舍提供電源才可運作。
9. 夾公仔機安放在院舍的日數（大約一個月）視乎院舍院友人數等。
10. 完成是次活動，建祝義工隊會安排院友職員大合照，並製作大照片供院舍擺放留念，留住開心時刻。
（註：相關照片不會公開和不作宣傳）
建祝義工隊
如有查詢，可whatsapp電話 9609 0399 聯絡 Jan！
2024年11月18日 YMCA was blacklisted by建祝義工隊
2024年11月17日建祝義工隊BG155A: 大隻佬義工聯盟為最近失明的小女孩髹搬屋！
2024年11月5日（星期二） 露宿者繼續浪漫之夜
感謝大家一個平凡的星期二晚上為不平凡的街友加添浪漫氣氛！
今次係 泰式豬手鳳爪雞翼雞蛋
今晚有以下嘅嘢派發
1. 飲品（感謝Build King)
2. 1.5公升的水！
3. 啱晒季節嘅冷頸巾！
衷心感謝大家，今日我睇到我哋嘅團隊非常有效率
好開心見到全港九新界的350位露宿者分享佢哋嘅喜悅包括啲嘢食，同埋覺得已經大家係一個老朋友嘅感覺！
2024年11月2日BG154, 建祝大隻佬義工聯盟
感謝Joey今日領軍為葵涌邨伯伯清理乾淨間屋屋企！
獨居洗腎長者，因病未能自理，家中長期欠缺執拾，加上因要在家中洗腎⋯每個月都需要一次過訂購多箱洗腎水儲在家中，因冷氣機在前壞了多時，但家中亂⋯師傅未能入內更換，另外床亦破舊，最近申請到基金購置新床，但床公司未能棄置舊床，長者現希望義工隊伸出援手⋯幫忙棄置舊床和儲物櫃，整理好家中雜物，騰出多些空間活動和讓師傅入內更換冷氣機!
2024年11月2日建祝 享受大自然系列11月有幾癲
2/11: camp site 鋪電網鋪水管preparation works
4/11:第一次行山義工training
9/11: 千朶蒲菊英：site 視察加除草
16-17/11: 20位captains of the camp：camp site 露營訓練
23/11: 千朶蒲菊英：site preparation works
30/11-1/12: 另外20位captains of the camp：camp site 露營訓練
2024年10月25日updated現役義務總幹事
我哋義工隊做嘢真求求其其、是是旦旦、滾水淥腳，去到就得啦，過咗九年啦，我都從來冇一次真真正正寫低每一個項目的義務總幹事係邊個。
有啲項目已經完成歷史任務，例如 偉大嘅「唐樓搓手液計劃」、「點心紙計劃」、「維修班」、「英文班」….
今晚扚起心肝寫了第一次（應該有甩漏），分享俾大家背後每一個項目總統籌係邊個：
1. 優化家居：*Stella*, 顧問 *Alex*
2. 二手傢俬電器轉贈服務：*Bonnie*, 顧問：*Bibi*
3. 滅蝨：*Linda*
4. 義載遊車河：*Rainbow*
5. 新公屋二傢：*Cyrus*
6. 童建新home間：*Ally*
7. 唐樓樓梯機：*Jenny*
8. caring drivers: *Winsome*
9. 社福小店衆籌：*Rainbow*
10. 大隻佬義工聯盟：*May*
11. 輸出義工：*Dicky*
12. 講故事班：*樹枝*
13. 藝術衆樂樂：*Maria*
14. 全城針織班：*Pat*
15. 露宿者之夜：*Emma*
16. 緊急扶危基金：*Ray*
17. 滅蛇蟲鼠蟻：*Kit*
18. 夾滿fun: *甘*
19. 1+1 paired up： *Joyce*
20. 二手玩具新主人：*Dicky*
21. 物資分派：*Popo*
22. 魔術組：*Gigi*
23. 野外露營：*Eva*
24. 行山義工聯盟：*Ivan*
25. 給照顧者放半天假：*Jacko*
26. 動腦筋3000之扭計骰：*Jan*
27. 小農場計劃：*Richard*
28. 羊毛畫班：*樹枝*
29. 夢飛翔：*Joyce*
30.清囤積：*Joey*
31. 義剪：*Shirley*
32. One Day Tour: *Shirley*
[搵日要扚起第二個心肝先寫到處理一個慈善機構內務十幾個崗位的嘅義工名單先］幸運的有一衆不同崗位的義工一齊撐住，令到我哋 「雖但求其，務求幫到人就最重要！」
共勉
建祝義工隊
2024年10月20日感謝香港電台第一台「非常人物」邀請建祝義工隊
2024年10月15日建祝「藝術衆樂樂」長洲昇昌里no. 1 feature wall「長洲家平安」酒精墨水畫
衷心感謝今天領軍的雲姐及邱師傅，在雷雨底下，將長洲小學及幼稚園小朋友老師校長130塊酒精墨水畫做出來的亞加力膠片，砌成了「長洲家平安」的feature wall, 位置喺邊？就喺條大街轉入另一條大街嘅非常繁忙的街道上。
這個作品包括壁畫及當區的酒精墨水畫而成的feature wall, 我們會在其他區分逐步拓展成為不同的地標，將小朋友美麗的畫作表揚開去！
感謝每一位參與的義工！
下次去長洲，不妨去參觀吓打打卡！
長洲昇昌里，長洲碼頭行入兩條大街中間嗰條多人都不得了嘅街道！
